Mga BHW kinahanglan mahatagan sang mas mataas nga monthly allowance- Sen. Go

Luyag ni Senador Christopher Bong Go nga makabaton sang mas mataas nga bulanan nga allowance ang mga Baranggay Health Workers (BHWs).

Sa subong ginaduso ni Senador Bong Go ang Senate Bill No. 2838 ukon ang Magna Carta of Barangay Health Workers.

Sa idalum sini nga layi kinahanglan nga makabaton sang indi magnubo sa P3,000.00 kada bulan nga honorarium ang isa ka BHW.

Mahibaluan nga may mga baranggay health workers nga nagabaton lamang sang P500 nga monthly allowance nga suno kay Senador Bong Go indi makatawo.

Pananlitan nga mangin isa na ini ka layi, magabaton na sang P10,000.00 nga one-time incentive ang mga BHW kung sa diin may 15 katuig ukon masobra pa nga eksperyensya.