Ginkumpirma sang Israel nga nakapauli na sa ila mga puluy-an ang katapusan nga 20 ka mga hotages sang Hamas.
Ang nasambit nga priso gin-hold sang Hamas sa sulod sang masobra duha ka tuig.
Nagtipon ang mga tawo sa Tel Aviv agud suportahan ang mga pamilya sang hostages, nga napuno sang emosyon bangud sang paghilway sa mga ini.
Nasaad sa nasambit nga ceasefire deal nga pagabuy-an man ang Israel sang 2,000 ka mga preso nga Palestinian.
Madamo man sang mga tawo ang nagtipon sa Ramallah City sa Palestine agud maghulat sang pag-abot sang una nga bus nga kargado sang mga priso.
Lakip diri ang paghilway sa 250 ka mga security detainees, nga nadalahig sa pagpatay sa mga Israelinhon, kag 1,700 nga gin-detain sang mga soldado sang Israel sa Gaza sa tion sang putukputukan sang inaway.
