Nabatian ang sunod-sunod nga lupok samtang nagatambong si United States President Donald Trump sa White House Correspondents’ Dinner sa Washington, D.C subong nga Domingo sang aga (oras sang Pilipinas).
Suno sa mga nakasaksi kag report sang AFP, gulpi lang nabatian ang matunog nga lupok nga nagtuga sang daku nga kahadlok kag kagamo sa mga bisita sang prestihiyoso nga black-tie event.
Gilayon man nga nagpanago ang mga nagtambong sa idalom sang mga lamesa agod malikawan ang katalagman.
Madasig nga nagresponde ang mga otoridad kun sa diin gilayon nga nagposisyon ang mga armado nga tactical teams sa entablado sa diin nahamtang si Trump antes ini luwas nga gin-evacuate.
Gin-atake man sang mga pulis ang Washington Hilton Hotel sa diin ginahiwat ang rally, samtang ang mga helikopter naglibot sa kahawaan bilang kabahin sang mas mataas nga seguridad.
Base sa report sang United States Secret Service, gilayon nga nadakpan ang suspetsado.
Padayon pa ang imbestigasyon sang mga otoridad sa nasambit nga insidente.
