ROXAS CITY – Nagpahanumdum ang Department of Interior and Local Government (DILG) sa mga barangay opisyales nga nagatambong sa mga seminars nga indi sila obligado nga mag-attend Ilabi na kung alang-alang ang budget sang ila barangay, apisar nga matood may ara sang naka-alokar nga pondo para sa mga seminars apang limitado lang ini, kag indi mahimo nga e-re-allign ang 20 percent sang ila pondo agud gamiton sa mga trainings seminar.
Sa interview sang Bombo Radyo sa DILG officer sa syudad sang Roxas nga si Mr. Gino Salamanca ginpahayag sini nga pulo ka adlaw antes ang ila natalana nga paglakat kinahanglan nasumiter na nila ang mga dokumento sa ila pagakadtoan kag ang mga galastosan.
Suno pa diri nga indi man mahimo nga maglakat ang tanan nga mga opisyales nga wala na sang mabilin sa barangay nga maga-atubang sa mga pumuluyo nga nagakinahanglan sang ila serbisyo.
Dugang pa sini nga wala man sang malain kung kada bulan may ara sang ginatambungan nga seminars ang mga opisyales apang siguraduhun lamang sini nga may pondo sila nga magamit kag naliquidate ang ila mga budget nga gingastos sa ila paglakat.
