ROXAS CITY – Nakalab-ot na kay Governor Fredenil Oto Castro ang nahanungod sa health emergency allowance nga wala pa mabaton sang mga health workers.
Sa interview sang Bombo Radyo sa Provincial Health Officer nga si Dr. Ramon Alex Nolasco mangin siya ang nakibot man nga may ara mga health workers nga nawigit ukon wala sa gihapon makabaton sang allowance.
Sa pihak sang mando nga dapat gilayon ini nga mabaton sang mga empleyado, gintuad man ni Nolasco nga ginatsekyar gid sang maayo ang mga dokumento para indi na magbalik-balik pakadto sa accounting office halin sa mga district hospital.
Ginklaro man ni Nolasco nga wala dapat sang ginauna kundi dapat tanan ang i-proseso para ma-releasan.
Nagpanugyan naman ini sa pila ka mga health workers nga kun wala pa ma-process ang ila pangalan mahimo ini nga magreklamo sa iya opisina para mabuligan ang ini nga indibidwal.
Nagalaum si Dr. Nolasco nga sa masunod nga semana sa bulan sang Hulyo makumpleto na kag mabaton na sang mga health workers ang ila Health Emergency Allowance.
