‎Mga construction workers, nakadiskubre sang bulawan nga ginabanta nagabalor sang P600 million

Nadiskubrehan sang mga construction workers ang bulawan nga ginabanta nagabalor sang P600 million samtang gina-renovate ang isa ka building sa Dendermonde, Belgium.
‎
‎Suno sa report, natukiban ang madamo nga bulawan sa mga pader sang basement snag Isa ka balay, lakip na ang 50 ka gold bars.
‎
‎Ginpahayag nga nadiskubrehan ang mga items samtang nagakutkot ang mga trabahador agud butangan sang tubo para sa sewage system.
‎
‎Gilayon naman nga gin-imbentaryo kag ginbutang sa isa ka high-security vault sang federal government services ang mga bulawan.