Mga crew sang BRP Cabra kag BRP Bagacay nga nagluwas sa mga Pilipino nga suldado nga ginharass sa re-supply mission, ginhatagan sang pagkilala sang PCG

Ginhatagan sang pagkilala sang Philippine Coast Guard (PCG) ang masobra 70 nga mga indibidwal nga nagluwas sa mga Pilipino nga suldado nga ginharass sang China Coast Guard samtang yara sa re-supply mission sa Ayungin Shoal.

Ginpatigayon ang seremonya sa Buliluyan Port sa Bataraza, Palawan kung sa diin personal nga ginhatag ni PCG Commandant Admiral Ronnie Gavan ang distinguished Coast Guard Cross kag Ribbon sa mga crew sang BRP Cabra kag BRP Bagacay.

Ang duha ka nasambit nga barko sang PCG, ang gingamit sa pagpatigayon sang regular nga maritime patrol agud masiguro ang kaluwasan sang mga Pilipino nga mangingisda sa West Philippine Sea.