Mga deboto, padayon ang pagtuo kag debosyon kay Mama Mary, kadungan sang kaadlawan ni Birhen Maria

Ginaselebrar sang mga deboto ang kaadlawan ni Mama Mary paagi sa pag-upod sa mga misa sa Simbahang Katolika.

Sa interview sang Bombo Radyo kay Nympha Buenavidez, isa ka deboto, iya ginpahayag nga importante gid sa iya kabuhi si Mama Mary.

Suno kay Buenavidez, kada tuig gid ini nagasunod sa selebrasyon kag sa mga pagsulundan sang Simbahang Katolika bilang pagpakita sang iya pagtuo kag debosyon.

Dugang pa sang natungdan, masami ini nagasimba kag nagapangamuyo bilang kabahin sang iya padayon nga debosyon kay Mama Mary kag pagpasalamat sa mga grasya nga iya nabaton.

Subong nga adlaw, Setyembre 8, ginaselebra sang mga Katoliko sa bilog nga kalibutan ang Nativity of the Blessed Virgin Mary, ukon kaadlawan ni Birhen Maria.