Ginalantaw sang isa ka Constitutional Law expert kag Presidente sang Philippine Arbitration sa Visayas nga ang mga ebidensya nga ginpresentar sa ikatatlo nga adlaw sang impeachment trial ni Vice President Sara Duterte ang may kaangtanan sa alegasyon sang betrayal of public trust.
Sa interview sang Bombo Radyo kay Atty. Joenar Pueblo, iya ginpahayag nga teknikal ang presentasyon sang mga ebidensya bangud nagakinahanglan ini sang nakaigo nga legal nga paghangop agud masabtan ang kahulugan kag kabug-usan sang mga ginapresentar nga ebidensya .
Suno kay Pueblo, ang teknikal nga presentasyon sang ebidensya isa ka normal nga bahin sang impeachment proceedings, ilabi na sa mga isyu nga nagalakip sa konstitusyonal kag legal nga mga pamangkot.
Dugang pa sini, nga ang impeachment proceedings ang nagasunod sa husto nga proseso kag patakaran nga ginapatuman sang impeachment court.
