Mga empleyado nga indi magtrabaho kun delikado ang sitwasyon bangud sang malain nga panahon, wala sang administrative sanction suno sa DOLE

Liwat nga ginpahayag sang Department of Labor and Employment (DOLE) nga wala sang administrative sanction ang mga empleyado nga magpamalibad mga magtrabaho kun delikado ang sitwasyon bangud sang malain nga panahon.

Apang, sa idalom sang “no work, no pay” policy, wala sila sang regular nga sweldo kun wala sila nagtrabaho, magluwas kun may company policy ukon collective bargaining agreement nga nagahatag sang bayad.

Kun nagtrabaho naman ang empleyado, makabaton ini sang full regular pay kun masobra anum ka oras ang iya nahimo nga trabaho.

Kun manubo sa anum ka oras, proportionate lamang ang iya mabaton nga sweldo.