ROXAS CITY – Nagpaidalum sa random drug testing ang mga empleyado sang city government.
Sa interview sang Bombo Radyo kay Melvin Galagate, pinuno sang Roxas City Communications Group ginpahayag sini nga may ginpapanaog nga memorandum order si Mayor Ronnie Dadivas agud magpatigayon sang random drug testing sa mga empleyado sang City government.
Tinutuyo sini agud masigurado nga ang mga emplyado sang city government wala nagagamit sang mga illegal nga droga.
Suno kay Galagate nga sang damlag lang may ginpapanaog nga memorandum circular ang Department of Interior and Local Government (DILG) kun sa diin nga kinahanglan ipabilin sang kada Local Government Unit (LGU) nga ang ila tagsa-tagsa ka mga areas of responsibility mangin drug free.
Kadungan sini antes paman ginpapanaog ang nasambit nga memo may yara na sang mandato suno diri ang alkalde nga may patigayunon nga random drug testing sa mga empleyado.
