ROXAS CITY – Nagalab-ot sa 17 ka mga estudyante sa high school sa banwa sang Sigma, Capiz ang nadakpan sa akto nga nagahampang sang computer games sa oras sang klase.
Ginhimo sang mga katapu sang Sigma PNP ang operasyon bilang aksyon sa reklamo sang mga ginikanan kag mga manunudlo nga na-obserbahan ang wala na pagsulod sa klade sang kadam-an sang ila mga estudyante bangud sa pagkalulong sa computer games.
Suno kay SPO1 Cheryl Caporal sang Women and Children’s Protection Desk sang Sigma PNP madamo nga mga ginikanan ang nagpalab-ot sang reklamo sa ila nga talatapan bangud sa pagkawili sang ila mga anak sa computer rason nga wala na sila nagasulod sa klase.
Matapos nga makuha ang mga kabataan sa internet cafe, gilayon sila nga ginturn over sang pulisya sa guidance counselor sang eskwelahan.
