Nagbalik na sa ila tagsa ka mga panimalay ang pila ka mga evacuees sang Barangay Baybay,Roxas City matapos ang pag-igo sang Bagyo Uwan.
Sa interview sang Bombo Radyo kay Punong Barangay Erwin Oroceo, iya ginpahayag nga may yara sang 103 ka mga pamilya ukon 259 tanan ka mga indibidwal ang nag-evacuate sa ila nga barangay.
Suno kay Punong Barangay Oroceo, bangud sa mabaskog nga hampak sang balod kag pagtaas sang lebel sang tubig , may yara sang nagkalaguba nga 15 ka mga panimalay, 3 ka mga kalan-an, 5 ka sakayan pandagat kag 9 ka mga negosyante sang uga ang nahalitan ang ila mga handayan.
Pahayag pa niya, may yara sa gihapon sang nagapabilin sa mga evacuation center bangud sa kahalitan sa ila mga puluy-an tuga sang Bagyo Uwan.
Nagapasalamat man ang natungdan apisar may yara sang mga nagapakatig-a, madamu sa gihapon sang nagboluntaryo nga mag-evacuate agud malikawan ang mga insidente nga dala sang malain nga panyempo.
Interviewed by: Bombo Jessa Mae Delos Santos
