Gindumdum sang mga fans ni NBA star Kobe Bryant kag bata sini nga si Gianna ang ika-lima ka tuig sang pagtaliwan sang mga ini.
Matandaan nga sang Enero 26, 2020 sang nagtibusok ang helicopter nga ginsakyan sang mag-amay kaupod ang anom nga iban pa samtang padulong sa Thousan Oaks para sa basketball practice.
Ginkasuhan naman sang asawa sini nga si Vanessa Bryant ang mga imbestigador sang kaso bangud sa pagpalapta sang video kag laragway sa crash site nga wala nagpangayo sang permiso sa iya.
Bangud sini, nagdaog ini kaso nga nagikan sa LA County sang 2023 kag ginbayaran ini sang halos $30-milyon.
Nagpatindog ang mga fans sang rebolto sang duha didto mismo sa lugar nga ginbagsakan sang helicopter.
Nakatalana nga ipaguha ni Vanessa ang bag-o nga libro nga ginhalad sa mag-ama sini kag ini ang igapaguwa sa palaabuton nga Agosto 19.
Sa sulod sang 20-tuig nga basketball career ang nangin 18-time All-Star si Bryant, 15-time All-NBA honoree, 5-time NBA Champion kag 2007-2008 NBA Most Valuable Player.
