Naghakot sang awards ang mga Filipino athletes sa ginhiwat nga Asian Sport Jiu-Jitsu Federation (ASJJF) Association of Southeast Asian Nations (ASEAN) sa International Jiu-Jitsu Open 2026 sa Quezon City.
Sa interview sang Bombo Radyo kay Franz Jericho Altura, Head Coach sang Deftac Choking Ground, iya ginpahayag nga ang Asian Sport Jiu-Jitsu Federation gintukod nga isa ka non-profit organization para sa mga atleta nga may handum nga mahatagan sang Olympic recognition ang jiu-jitsu.
Suno kay Altura, kadam-an sang iya mga ginatudloan nga high school students ang nakakuha sang medalya sa diiin si Deegan Hugo ang nakakuha sang double gold kag bronze, Corin Panaguiton kag Caleb Panaguiton pareho nagdaog sang double gold medal, Nathan Golez nakakuha sang gold kag silver medal, Destini Evangelista nakakuha sang gold medal, Nygel Bato nakakuha sang double silver kag bronze, Miki Dujovic nakakuha sang silver kag bronze medal kag si Elisha Gonzaga nagdaog sang silver medal.
Pahayag niya, mahimo matawag nga combat sport ang jiu-jitsu kaangay sang judo ukon wrestling, nga masami ginagamit ang tiyan ukon likod para sa stability kag balance, balekawang ukon likod para sa pag-kontrol sang kontra, kag legs para sa pagpabaliskad sang competitor.
Nahibaluan nga ang team Jiu-Jitsu ang sakop sang Defense and Tactics (DEFTAC) Philippines, nga isa sa pinaka daku sa South East Asia Jiu-jitsu team sa diin kadam-an ang naga daog sang black belt sa bilog nga Asya.
