Ginkakas sang Meta ang 20 ka mga facebook pages sang mga Filipino influencer nga ginapahayag naga-promote sang illegal online gambling, matapos ang ginhinyo nga aksyon sang Cybercrime Investigation and Coordinating Center (CICC).
Ginkumpirma sang grupo nga pang-advocacy nga Digital Pinoys, nga nag-flag sa mga pages nga ini sa CICC, ang pagkakas diri. Kalakip sa mga apektado ang mga influencer nga sanday Sachzna Laparan nga may 9.7 ka milyon nga followers, Boy Tapang nga may 5.5 ka milyon nga followers, aktor nga si Mark Anthony Fernandez nga may 242,000 followers, kag Kuya Lex TV nga may 100,000 followers.
Ginsiling ni Ronald Gustilo, ang National Campaigner sang Digital Pinoys, nga ang amo nga tikang ang nagapadala sang matibang nga mensahe sa mga naglapas.
“Nagpapasalamat kami sa Meta sa mabilis na aksyon sa aming magkasanib na hiling na pagtanggal ng mga pahina ng mga influencer na hayagang nagpo-promote ng ilegal na online na pagsusugal. Umaasa kami na ang mga natitirang pahina na na-flag sa aming unang ulat ay matatanggal sa mga susunod na araw,” siling ni Gustilo.
Wala pa sang pahayag nagikan sa Meta hanungod diri. Ang pagtanggal sang mga pages ang kabahin sang mga pagtinguha nga tapnaon ang mga iligal nga aktibidad online, labi na ang mga operasyon sang pagsugal nga nagalapas sa layi sang Pilipinas.
Ginpahayag sang CICC kag Digital Pinoys nga ini ang una nga batch sang mga pagkakas, kag nagpaandam nga may mga masunod pa nga aksyon batok sa mga violators.
“Akala ng iba sa mga influencer na ito ay hindi sila mahahawakan—na nagbibiro lang kami,” pahayag ni Gustilo.
“Mayroon silang sapat na oras para sumunod. Pumusta sila sa batas, at ngayon ay haharapin nila ang mga consequences,” dugang pa niya.
