ROXAS CITY-Ginkumpirmar sang Market Administrator sang Teodoro Arcenas Trade Center (TATC) nga temporaryo lamang nga ginpahamtang ang mga manugbaligya sang isda sa ginpaubra nga temporary shelter sang City Government.
Suno kay Ms. Helouise Mendoza nga ang pagpasaylo sa mga fish vendors ang kadungan sang pagpakay-o sang atop sang Fish and Shrimp Section bangud man sa naangkon nga kahalitan sini sang pagpanalasa sang Bagyong Ursula sang Disyembre 2019.
Suno kay Mendoza nga kapin 300 ka mga fish vendors ang nakaupar sa ginapahamtang sa karon nga temporary shelter.
Nagalaum ini nga mag-kooperar ang mga vendors sa panibag-o nga gindesignar nga pwesto.
Samtang, amat-amat na nga ginalimpyo ang fish section sa sulod sang nasambit nga merkado publiko agud mapadasig ang pagpakay-o sini.
