ROXAS CITY – Epektibo Marso 15, adlaw sang Dominggo, temporaryo nga kanselado ang mga flights sa Roxas City Airport.
Ini ang bilang pagsunod sang nasambit nga pahugpaan sa direktiba nga ginpapanaog sang gobyerno sang Pilipinas para sa community quarantine sa bug-os nga Metro Manila agud mapunggan ang paglapta sang coronavirus disease (COVID-19).
Mahibaluan nga kanselado ang tanan nga flights sang Cebu Pacific kag Philippine Airlines kag magalawig ini tubtob sa Abril 14, 2020.
Mahibaluan nga Marso 14 ang katapusan nga pag-alabutan sang mga pasahero sa nasambit nga pahugpaan.
Sa ila pag-abot, nagpaidalom man ang mga ini sa maid-id nga inspeksiyon sang mga otoridad kalakip na diri ang pag-tsekyar sang ila nga body temperature gamit ang thermal gun scanner.
