Gintambungan sang mga former president kag pila ka opisyal sang US ang inagurasyon ni US President-elect Donald Trump bilang ika-47 nga Presidente sang Estados Unidos.
Kalakip sa mga nagtambong sa inagurasyon amu sanday anay US President Bill Clinton kag asawa nga si anay US Secretary of State Hillary Clinton subong man sanday ex-Pres. George W. Bush kag Laura Bush.
Isahanon naman nga nagtambong si anay US President Barack Obama matapos ang pagkumpirmar sang asawa sini nga si Michelle nga indi ini maka-attend.
Nakabaton naman sang standing ovation si Mike Pence nga nagserbe nga Bise Presidente ni Trump sadtong una nga termino sini.
Una na nga nakaabot sa Capitol Rutonda ang mga anak ni Trump nga sanday Ivanka, Donald Trump Jr, Tiffany Trump, Eric kag Baron Trump.
Tanan nga mga napili nga gabinete ni Trump ang present man sa nasambit nga inagurasyon.
