ROXAS CITY – Nalutsan sang lima ka magpamilya ang mga frontliners nga nakaduty sa border security checkpoints pasulod sa probinsiya sang Capiz.
Ini ang ginbuyagyag mismo sang himata sang nakalusot nga mga indibidwal sang mainterview sang Bombo Radyo Roxas.
Suno diri nga ang nasambit nga mga indibidwal nga nakalusot ang lunsay mga construction workers sa probinsiya sang Aklan kag didto naabtan sang lockdown.
Ginpahayag sini nga wala nakahalata ang mga naka-duty nga frontliners sa border security checkpoint sa Altavas, Aklan kag sa Damayan, Sapian, Capiz nga paisa-isa nga nakalusot ang nasambit nga mga indibidwal matapos nga nagpanaog ang mga ini ila ginasakyan nga salakyan.
Suno diri nga ginbantayan niya na lamang ang nasambit nga mga indibidwal sang makalapaw na sila sa checkpoint kag madinalag-on sila nga nakapauli sa siyudad sang Roxas.
Sa karon suno diri yara sila sa Barangay Dinginan, Roxas City kag apisar nga wala pa nila nasumiter ang ila kaugalingon sa mga local health authorities, ginpakamaayo sang mga ini nga magtenir sa ila tagsa ka mga panimalay para mag-self quarantine.
