Nagsunod sa mandu sang Department of Energy ang mga Gasoline stations sa Roxas City nga indi magpatuman sang oil price hike matapos magpatigayon sang monitoring ang Roxas City PNP.
Ini matapos nga nakalab-ot ang report kay Energy Sec. Sharon Garin nga nagpatuman sang indi aprubado nga price increase sa mga produktong petrolyo nga oil companies sandig sa oil price monitoring sang Bombo Radyo Roxas.
Sa interview sang Bombo Radyo kay Police Lieutenant Colonel Donnel Regis, Hepe sang Roxas Component City Police Station, iya ginpahayag nga sa ila pagpatigayon sang inspection sa pila ka mga gasolinahan may yara sang nagpataas sang presyo apisar nga indi pa epektibo ang price hike.
Suno sa iya, may yara sang nagpasaka sang masobra P80 pesos nga presyo sang gatong apang gilayon man ini nga ginbalik sa nauna nga presyo.
Paghayag pa niya, katuyuan man sang ila katuyuan sang ila pagmonitor agud man nga wala sang mga gasoline stations nga nagapamentaha sang pagpasaka sang presyo.
Dugang pa niya, ginahimo man sang ila talatapan ang pila ka mga tikang agud indi maabuso ang pagbaligya sang overprice sang produktong petrolyo.
Nahibaluan nga kahapon nga adlaw nagpatigayon sang monitoring ang ila talatapan sa tanan nga mga gasoline station sa syudad sang Roxas.
Nagpanawagan man ang natungdan sa mga motorista nga kon may yara sila sang makit-an nga mga gasoline stations nga nagapataas sang presyo apisar nga indi pa epektibo ang price gilayon man nga magreport sa ila talatapan agud mahatagan sang aksyon.
