Ka-bombo, para sa imo, sin-o ayhan sa pagbanta nimo ang mas malipayon pag-abot sa financial choices?- ang gastador bala ukon ang mga nagatipid nga halos indi na magpaguha bisan sentimo?
Natukiban sang isa ka pagtuon, pag-abot sa nanari-sari nga aspeto sang kabuhi, ang mga palasgastos nga tawo ang mas masadya kon ipaangid sa mga nagatipon kag nagatipid.
Sa relasyon, 78% sa mga gastador ang mas malipayon sa love life kon ipaanggid sa mga nagatipon nga may yara lamang sang 63%.
Mas masadya man sa ila trabaho ang mga gastador nga may ara sang 78% nga rating, kon ipaangid sa 57% sang mga nagatipid ukon nagatipon.
Kag ang pinakainteresante, apisar nga magastos ang pagpangabuhi, 73% sa mga gastador ang malipayon sa ila financial lives kon ipaanggid sa 56% sang mga nagatipid nga tawo.
Apang indi ini buot silingon nga kinahanglan mo mangin gasatdor agud mangin malipayon, bangud suno man gihapon sa artikulo nga ang pagtipon kag pag-invest, mahimo nga malab-ot sang isa ka tawo ang financial independence.
