Mga gin-import nga kanding nagikan sa US, ginpapatay sang BAI bangud sa Q-Fever

Gilayon nga nagdesisyon ang Bureau of Animal Industry nga patyon ang masobra 60 nga mga kanding nga gin-import pa nagikan sa Amerika.

Suno sa ahensya, nag-angkon sag Q-Fever ang mga sapat rason nga gindala ang mga ini sa isa ka breeding station sa Marinduque.

Ginmando man ni Agriculture Secretary Francisco P. Tiu Laurel Jr., ang pagpatay sa mga sapat nga nakaupod sang mga kanding nagikan sa nasambit nga pungsod.

Tinutuyo sini nga tikang agud mapalayo sa katalagman ang ika-ayong lawas sang mga Pilipino.

Bangud sini, temporaryo nga gindumilian ang pag-import sang kanding sa Estados Unidos.

Ginsuspendi man ang pila ka mga katapo sang Bureau of Animal Industry nga naghatag pahanugpot sa pag-import samtang padayon pa ang imbestigasyon.