Gin-usisa ni Private Prosecutor Atty. James Bryan Ibrahim Alih ang witness nga si Atty. Karen Batu sang Office of the Ombudsman angut sa mga gindeklarar nga negosyo ni Vice President Sara Duterte sa iya una nga termino bilang alkalde sang Davao City.
Ginpatigayon ang pagpangusisa sang ika-25 nga adlaw sang impeachment trial batuk sa Bise Presidente.
Gintsekyar ni Atty. Alih si Batu angut sa acquisition cost ukon capital nga narekord sa Statements of Assets, Liabilities and Net Worth (SALNs) ni Duterte, partikular sa mga negosyo nga nakapangalan sa iya 2007 SALN.
Ginkumpirmar ni Batu nga base sa tatlo ka narekord nga dokumento, wala sang gindeklarar nga acquisition cost rason agud kwestunon sang private prosecutor nga may negosyo apang wala sang narekord nga investment.
Ginpahayag man sang witness nga wala sang stocks nga gindeklarar sa 2007 kag 2009 SALN ni Duterte, magluwas sa 2008 SALN kun sa diin ginpahayag ang stocks equity paid.
Ang pagbayluhanay sang pahayag sang magtimbang nga bahin ang kabahin sang pagpresentar sang prosekusyon sa mga rekord sang Ombudsman sa idalom sang Article II sang impeachment.
Ang mga alegasyon nasentro sa mga alegasyon sang unexplained wealth, indi husto nga deklarasyon sa SALN, kag padayon nga pagsosyo sa negosyo samtang yara sa opisina sang gobyerno.
