-- ADVERTISEMENT --
ROXAS CITY – Natumod na sang katapo sang kapulisan ang duwa ka suspek nga ginaalegar nagpangawat sa merkado publiko sa banwa sang Ivisan sang tinalikdan nga Biyernes.
Ini ang ginkumpirmar sang Ivisan PNP sang mapakig-angutan sang Bombo Radyo.
Apang, indi pa nila mabuyagyag ang pagkakilanlan sang duwa ka suspetsado bangud padayon pa nila ini nga ginamonitor kag agud indi na makapalagyo.
Matandaan lima ka mga puwesto sa sulod sang Ivisan public market ang ginaalegar ginpangkawatan kag ginabulubanta masobra sa P10,000 ang kabug-usan nga gamit kag kuwarta ang nataban sang mga suspek.
