Ginapahulag na ni Senator Sherwin Gatchalian ang mga ginikanan subong man ang mga local government units agud mapanubo ang kaso sang teenage pregnancies kag human immunodeficiency virus (HIV) infections sa bilog nga Pilipinas.
Sa ginpatigayon nga pagsinapol sa Senado, ginhatagan sang pagtamod ni Gatchalian nga kinahanglan magpanguna ang mga ginikanan sa pagdisiplina sa batasan sang mga kabataan agud
maprotektahan ang mga ini sa mangin resulta pananglitan nga indi magsunod.
Ang apela ni Gatchalian may kaangtanan sa epektibo nga pagpatuman sang Parent Effectiveness Service (PES) Program Act (Republic Act No. 11908).
Suno diri, kinahanglan himuon nga mas “involve” ukon may pasilabot ang mga ginikanan sa nasambit nga isyu kag indi lang pinaagi sa regular nga paghinala kundi pinaagi sa aktibo nga pagpakig-angut.
Ginpahayag man sang senador, kung mangin kaupod ang mga ginikanan sa amu nga isyu mas napalab-ot sa ila ang problema kag mas mahatagan sila sang pamaagi kung paano makighinala sa mga kabataan may kaangtanan sa mga sensitibo nga isyu.
