Ginbatikos sang labor group nga Partido Manggagawa (PM) si Presidente Bongbong Marcos bangud sa indi pagbalik sang subsidy para sa Philippine Health Insurance Corp., ukon PhilHealth kag sa pondo para sa mga serbisyo nga panlipunan sa pampungsodnon nga badyet nga iya ginpirmahan.
Suno kay Partido ng Manggagawa Secretary General Judy Miranda, indi tapat sa pag-veto sang pila ka mga line item sa budget si Presidente Marcos bangud ginapabilin sini ang kontrobersyal nga Ayuda sa Kapos ang Kita Program ukon AKAP nga nagapabilin nga nakasal-ot sa national budget.
Indi man nangin tapat ang Punong Ehekutibo sang gintuad sini nga indi maapektuhan ang mga benepisyo sang PhilHealth apisar wala sang subsidy.
Ginahinyo sang mga miyembro kag benepisyaryo sang PhilHealth nga may mangin maayo nga mga benepisyo.
Panawagan sang grupo, ibalik ang 50% nga pagtaas sa coverage kasubong sang na-istoryahan sa mga deliberasyon sang badyet kag ginpromisa ni Health Secretary Teodoro Herbosa.
Nauna na nga nag-upod ang Partido ng Manggagawa sa naghiusa ang labor coalition bilang intervenor sa petisyon nga gin-file sa Korte Suprema agud pangindian ang pagbalhin sang P90 bilyon sang sobra nga pondo sang PhilHealth sa National Treasury.
