Nagpahanumdom ang pila ka Healthcare provider sa importansya sang paggamit sang contraceptives sa reproductive health sang tawo.
Sa interview sang Bombo Radyo kay Dr. Maria Saria Geraño De Tomas , Medical Officer III sang Tapaz District Hospital, iya ginpahayag nga may yara sang tatlo ka klase sang contraceptives; ang short term, long term kag permanent nga pwede gamiton agud malikawan ang pagbusong.
Suno pa kay De Tomas, ang paggamit sang contraceptive ang isa ka parte sang pagplano sang pamilya para makontrol ang pagbata kag ma-ibanan ang unwanted pregnacy ilabi na sa mga teenager nga naga-engage sa mga sexual activity.
Pahayag pa niya, ang paggamit sang contraceptives indi lang makabulig sa birth control kundi maklabulig man sa ikaayong lawas kag malikawan ang mga balatian kasubong sang HIV kag AIDS.
Dugang pa sang natungdan, kun wala sang ikasarang sa pagbakal, ang City kag Provinvincial Health Office bukas sa pagtanyag sang libre nga contraceptives sa mga gusto kag magatudlo sang intsakto nga paggamit sini.
Nahibaluan nga subong nga bulan sang Setyembre, gina selebrar ang ‘World Contraceptive Day’ agud ipanawagan ang paggamit sang nagakadapat nga contraceptive kag magtudlo sa mga kabataan sang importansya sang sex education.
