Mga Hollywood celebrities, padayon ang paghatag sang bulig sa mga biktima sang wildfire sa California

Padayon ang paghatag sang bulig sang mga Hollywood celebrities kag mga singers sa mga naapektuhan sang lapnagon nga wildfire sa Los Angeles.

Isa sa mga ini amo ang singer nga si Beyonce nga naghatag sang $2.5 milyon sa LA Fire Relief Fund nga himo sang charitable foundation sini nga BeyGOOD.

Ang  ini nga pondo ang makabulig sa mga residente nga nadulaan sang puluy-an sa Altadena kag Pasadena area.

Mangin ang kumpanya nga Netflix kag Comcast NBCUniversal, nagpromisa man nga magahatag sang $10-M kada isa.

Kalakip man nga naghatag sang donasyon ang American actress nga si Eva Longoria. Sa social media account sini, magahatag sya sang $1-M nga donasyon para sa mga nadulaan sang puluy-an bangud sa wildfire sa Los Angeles.