Mga indibidwal nga naglapas sa curfew hours sa probinsya, nagdangat na sa 70

ROXAS CITY – Nagdangat na sa 70 ang kabug-usan nga numero sang mga indibidwal nga nadakpan nga naglapas sa ginpatuman nga curfew hours sa probinsya sang Capiz.

Ini base sa datos nga ginpaguwa sang Capiz Police Provincial Office (CPPO) kun sa diin ginpakustodiya ang 70 ka mga indibidwal sa separado nga mga presuhan sa magkatuhay nga mga kabanwahanan sa probinsya.

Mahibaluan nga ginapatuman sa karon sa bilog nga probinsiya sang Capiz ang curfew hours humalin alas 8 sa gab-i tubtob alas 5 sa aga base sa Executive Order No. 11, series of 2020 nga ginpapanaog ni Capiz Governor Esteban Evan Contreras.