ROXAS CITY – Ginkumpirmar ni Punong Barangay Nixon Bulquiren sang Barangay Bato, Roxas City nga lunsay nakainum sang makahulubog nga ilimnon ang magtimbang nga bahin nga nagtuga sang gamo sa ila lugar kadungan sa pagselebrar sang Paskwa.
Sa interview sang Bombo Radyo kay Bulquiren, ginpahayag sini nga ginkilala ang mga biktima nga sanday alyas ‘Rafael’, 25-anyos, ‘Crisanto, 63-anyos, ‘Crisme’, 34-anyos, kag ‘Rosemae’, yara sa legal nga pang-edaron, samtang ang ginapahayag mga kontra sini ang ginkilala nga sanday ‘Milke’, 30-anyos, Chrislie, 26-anyos, kag ‘Jocel’, 45-anyos, lunsay mga residente sang nasambit nga lugar.
Suno sa Punong Barangay nga papauli na kuntani sa ila puluy-an si alyas ‘Rafael’ sakay ang iya motorsiklo samtang ang iya sini nga mga kaupod ang naulihi sang hinalai lamang nga ginapahayag ginbanggaan ini sa dalan kag ginpulihan sang kastigo sang pihak nga grupo.
Bangud nagasunod lamang ang iya sini mga himata madasig man ini nga ginbuligan kag didto na nagluntad ang pagbayluhanay sang ila inumol sa isa kag isa.
Sa ginpatigayon nga paghusay sang Punong Barangay ginpahayag nga desidido nga magpasaka sang kaso sanday alyas ‘Rafael’ batuk sa mga nagpangkastigo sa ila, santo man sa nagakaigo nga proseso.
