ROXAS CITY -Ginkompirmar sang pamunuan sang City Engineers Office nga natalana nga pahalinon ang mga informal settlers nga naga-estar sa kilid sang Bangbang-Cadimahan Creek sa Barangay Inzo Arnaldo, Roxas City.
Ginpahayag ni City Engineer Noel Laminares nga ginpadalhan na sang first notice to vacate ang kapin 106 ka mga informal settlers nga naga-estar sa kilid sang creek.
Suno kay Laminares nga ginahatagan sang 15 diyas nga plaso ang mga informal settlers nga magbiya sa kilid sang creek, kag dugang nga 30 diyas nga plaso kun sila ang magpakatig-a gid nga maghalin diri.
Ginpasalig man ni Laminares nga may yara sang relocation site nga ginpreparar ang city government sa Barangay San Jose kag Barangay Jumaguicjic para sa mga maapektuhan sang clearing operation.
Mahibaluan nga una nga ginkompirmar ni Laminares nga magapatigayon sang clearing operation ang city government sa mga informal settlers nga ginatudlo ginatunaan sang pagdamo sang basura sa creek kag mga kasubaan nga nagaresulta sang pagbaha sa siyudad.
