Nag-settle na ang mga involved sa nagluntad nga pagbungguanay sang isa ka tricycle kag motorsiklo sa Barangay Cogon, Panay, Capiz kun sa diin apat ang pilason.
Ang driver sang motorsiklo amo si alyas Dolfo, 61 years old kag residente sang Barangay Anhawon, Panay,Capiz samtang driver naman sang tricycle amo si alyas Rex, 45 anyos kag residente sang Rizal, Roxas City kag ang mga sakay sini nga lunsay mga residente sang Brangay Punta Tabuc, Roxas City.
Sa interview sang Bombo Radyo kay Police Captain Jean Alayon, Officer in charge sang Panay Municipal Police Station, iya ginpahayag nga hinali nalang nga nagpangagaw sang linya ang ginamaneho ni alyas “Rodolfo”,rason nga nagbunggo ini sa tricycle.
Suno ay Alayom, bangud sa mabaskog nga impact, nag-angkon sang mga pilas sa nagkalain-lain nga bahin sang lawas ang driver sang tricycle kag tatlo niya ka mga pasahero.
Gilayon man nganga gindala sa ospital ang mga biktima para sa nagakaigo nga pagbulong.
Samtang, nag-angkon man sang pilas ang driver sang motorsiklo apang nagpamalibad na nga magpabulong sa ospital.
Sa subong, nagdesisyon na ang magkatuhay nga bahin na i-settle na lang ang nagluntad nga insidente kag indi na magpasaka sang kaso.
