Ginpanginwala sang pamunuan sang Panay Island Transport Inc. nga may mga operators sang jeep nga nagahalin sa mga kooperatiba bangud sa wala pag istrikto sang gobyerno sa mga padayun nga nagabyahe nga mga jeep nga wala makapa-consolidate.
Sa interview sang Bombo Radyo kay Ester Montanejos, chairperson sang nasambit nga kooperatiba nga sa karun maayo ang ila operasyon kag wala sang mga operator nga nagareklamu ukon nagamuno nga magabiya na ini sa kooperatiba.
Dugang pa sini, nga kun ano ang mangin mandu sang gobyerno para sa ikaayo sang transport sector sila ang magasunod gid lamang bisan pa kinahanglan nga magkuha sang bag o nga mga unit nga amu ang dapat nga igabyahe.
Pagklaro pa sini, nga wala man nila ginapunggan ang mga operator kung gusto gid man nila nga maghalin sa kooperatiba kag ginahatag man diri ang mga kinahanglan nila nga mabaton bilang mga miyembro.
Matandaan nga ginpahayag sang Piston President sa Capiz nga may ara sang petisyon ang mga jeepney operators sa Manila nga papirmahan sa mga miyembro sa Capiz sa pagpauntat sang modernization program kag paghalin sa mga kooperatiba
