Daw sa ano bala ka tunto nga ang isa ka tawo nga wala sang trabaho, amo pa ang nagabayad agud lang nga magpakuno-kuno nga nagatrabaho?
Ikaw na wala ubra, ikaw pa gid magasto!
Didto sa China, ang mga kabataan nga wala sang trabaho ang nagabayad sa mga peke nga kompaniya agud lang nga magpakuno-kuno nga may yara sila sang opisina nga ginatrabahuan, apisar wala sang sweldo!
Aba, ano lang ni ‘for clout’ ?
Sa balor nga 30 tubtob 50 yuan kada adlaw ukon P230-P380, mahimo na nga magtrabaho sa mga peke nga office space nga may libre nga computer, Wifi kag canteen.
Ang pila sa ila ang nagadugang pa “work experience” kun sa diin may peke nga work meeting kay may peke pa gid nga boss.
Nagkalain-lain man ang rason sang nagahimo sini sa China, iban sa ila nagapangita lang sang barato nga matambayan, kag may nagalaum nga makabulig ini agud makakita sila sang trabaho sa palaabuton.
