Daku ang papel sang mga kabataan sa pagpasangkad sang good governance sa pungsod.
Sa interview sang Bombo Radyo kay FPJ Panday Bayanihan Party-list Representative Brian Daniel Poe, ginpahayag nga importante ang pagpatuman sang matinlo, transparent kag responsable nga panggobyerno sa tunga sang nagakatabo nga kurapsyon.
Suno kay Poe,daku ang papel sang mga kabataan kag mga estudyante sa pagpalig-on sang maayo nga panggobyerno sa pamaagi nga indi magkahadlok nga ipabutyag ang tingog sa pagpakigbato sa kun ano ang intsakto.
Pahayag pa niya, kinahanglan ang kontribusyon sang edukasyon sa paghulma sang isa ka indibidwal nga may matinlo nga intensyon kag handum nga magserbisyo sa pumuluyo.
Gina-encourage man sang natungdan ang tanan nga mga kabataan nga mangin isa ka maayo nga ehemplo sa pagpalapnag sang maayo nga pagbinatasan ilabi na sa mga may potensyal nga mangin isa ka maayo nga lider.
