ROXAS CITY – Gina-require sa gihapon ang mga kabataan nga indi pa fully vaccinated nga magsumiter sang negative result sang RT-PCR test nga ginpatigayon 72-oras ukon 3-ka adlaw antes ang pagbiyahe, sa pagsulod sa probinsya.
Ini ang ginpahayag ni Mrs. Judy Grace Pelaez, pinuno sang Provincial Disaster Risk Reduction and Management Office (PDRRMO) sang mainterview sang Bombo Radyo.
Suno diri, nga apisar gin-amyendahan ang Executive Order No. 002 series of 2022 ni Governor Esteban Evan Contreras, nga gin-lift ang negative RT-PCR result sa mga fully vaccinated, sa gihapon required ini sa mga indi pa bakunado.
Nakabaton man sila sang impormasyon nga may mga biyahero nga nagaagi sa iban nga probinsya nga wala naga-required sang negative RT-PCR test, apang ginpasiguro sini nga mamonitor ini sila sa gihapon diri sa Capiz pinaagi sang ila LGU.
Ginahinyo man ni Pelaez ang mga biyahero nga magself-quarantine sa sulod sang 5-ka adlaw agud mapamatyagan ang kaugalingon, apisar wala na sa karon sang facility-based quarantine.
