ROXAS CITY – Natigayon nga magpanumpa ang mga kandidato nga nagdaog sa Barangay kag Sanguniang Kabataan Eleksyon 2023 sa banwa sang Panay kay Capiz Governor Fredinel “Oto” Castro.
Sa interview sang Bombo Radyo kay Jonathan “Sonny” Besa Board Member sang primero distrito, ginpahayag sini nga una nagpalapit sa iya ang mga nagdaug nga kandidato kung sa diin naghinyo nga kun mahimo sila makapanumpa sa iya.
Suno kay Besa, ba-se sa iya ihibalo indi siya otorisado sa kasubong sini nga buluhaton rason nga ginpakamaayo na lamang niya nga istoryahon ang Gobernador agud siya ang magpangamot sa mga nagdaug nga kandidato.
Mahibaluan nga may yara sang 14 ka mga Punong Barangay ang nagpanumpa kaupod ang mga kandidato sa pagka-Barangay Kagawad, SK Chairman kag mga SK Kagawad nga nagdaug ang nagtambong.
