PANAY CAPIZ – Nagpatawag sang pagsinapol si Panay Liga ng mga Barangay President Vincent Almado kaupod ang 41 nga mga kapitanes sang banwa sang Panay para hinalaan ang mga tikang nga malikawan ang pagsaka sang kaso nga dengue.
Sa impormasyon nga nakuha sang Bombo Radyo sa Municipal Health Office (MHO), yara na sa sa 54 ang mga kaso sang dengue sa banwa sang Panay.
Padayon man ang pagmonitor kag pagpatigayon sang misting sa MHO.
Ginpaabot man ni Mayor Vic Bermejo ang iya mensahe nga dapat tinluan ang ila tagsa ka ugsaran kag magbinuligay para sa ikaayo sang aton komunidad.
Sa sini man nga pagtililipon, ginhatagan man pagpasidungog ang mga kabaranggayan nga dako ang kontribusyon sa blood donation campaign sang Philippine National Red Cross Capiz Chapter.
