ROXAS CITY – Wala pa sang opisyal nga ginpasaka nga reklamo batuk sa mga Barangay Kapitan nga wala nagatambong sa Municipal Development Counsel (MDC) meeting agud maaprubahan ang Annual Investment Plan (AIP) kag budget sang Panay-LGU.
Ini ang ginpahayag ni Mr. John Ace Azarcon, direktor sang Department of Interior and Local Government (DILG)-Capiz sang ma-interview sang Bombo Radyo.
Suno kay Azarcon nga wala sang nakalab-ot sa ila nga manifesto kag ila man ini ginkatingala bangud naka-copy purnish man ini apang wala naka-address sa ila opisina.
Dugang pa sini, nga ang ila Municipal Field Office, ang nagpahanumdom na sang mga Barangay Kapitan nga mangin grounds sa ila kun may yara sa may magreklamo kag obligasyon sang mga ini nga mag-attender sa MDC meeting bangud wala na sang iban nga magatambong diri.
Ginpahayag man sini nga may kinamatarong ang Local Government Unit (LGU) nga i-reklamo ang mga Kapitanes kun may makita nga sala sa mga aksyon.
Gintuad man sini, nga sa iya pagkahibalo may yara sang timeline ang pondo kag ini man ang base sa polisiya sang Department of Budget and Management (DBM). Kun matandaan, nga ang pondo gindalian ini sang national government nga ma-release bangud may yara sang timelines nga ginasunod ang kada departamento.
