ROXAS CITY – Magkatuhay ang pamaagi sang mga kapulisan sa Capiz agud mapabilin nga hilway sila kag ang ila tagsa ka pamilya sa coronavirus disease (COVID-19) sa pihak nga nagserbi ang mga ini nga mga frontliners sa mga border control areas kag security checkpoints.
Suno kay Police Staff Sergeant Al Amador sang President Roxas Municipal Police Station, indi sang tiaw-tiaw ang ila nga trabaho sa mga security checkpoints bangud madamo sila sang tawo nga makahalubilo sa kada adlaw.
Suno diri nga nagapaligo ini antes magsulod sa ila balay agud indi mabutang sa peligro ang ikaayong-lawas sang iya pamilya.
Ginpahayag pa sini nga mabudlay man para sa iya apang ginaantus sini nga indi anay maka-estorya ang mauyatan ang iya anak sa sulod sang pila na ka adlaw.
Samtang suno naman kay Police Corporal Raffy Reyes sang Tapaz Municipal Police Station, temporaryo nga nagaserbi nga iya balay amo ang iya nga salakyan.
Ginpahayag sini nga sa sulod sang salakyan na lamang siya naga-ilis sa tagsa ka matapos ang iya duty sa security checkpoint.
Suno pa sa iya nga iya man gina-sanitize ang iya cellphone, yabi, armas kag iban pa nga kagamitan kada tapos sang iya nga duty.
Aminado man ini nga sa tagsa ka magpauli siya sa ila balay, nagadistansiya ini sa iya pamilya agud malikawan nga mabutang sa peligro ang ila ikaayong-lawas.
