Hugot nga ipatuman sang Dao Municipal Police Station ang security kag traffic measures para sa pagbukas sang klase sa Hunyo 8, 2026.
Sa interview sang Bombo Radyo kay Police Captain Rey Dordas, Officer-in-Charge sang Dao Municipal Police Station, iya ginpahayag nga pagatutukan sang kapulisan ang mga eskwelahan, terminal, merkado kag plaza agud masiguro ang kaayuhan kag kaluwasan sang mga estudyante.
Suno kay Dordas, duha ka pulis ang iga-deploy sa kada eskwelahan para magbulig sa pag-giya sang mga estudyante kag pagmentinar sang husto nga dalagan sang trapiko sa palibot sang mga campus.
Nagpanawagan man ini sa mga ginikanan nga buligan ang ila mga kabataan sa pagpreparar para sa pagbuas sang klase kag magsunod gid sa mga traffic rules agud malikawan ang ano man nga sahi sang aksidente.
