-- ADVERTISEMENT --
Nagapanawagan ang kapulisan sa publiko nga mangin disiplinado kag responsable sa pagsaulog sang San Juan Fiesta 2026.
Sa interview sang Bombo Radyo kay Police Captain Rey Dordas, Officer-in-Charge sang Dao Municipal Police Station, iya ginpahayag nga magadeploy sila sang mga kapulisan sa mga tourist spot kag resort sa banwa agud masiguro ang katawhay kag seguridad sang selebrasyon.
Suno kay Dordas, magapahamtang man sila sang Police Assistance Desk sa mga resort agud makabulig sa mga nagaselebrar.
Gindumilian man ang pagdala sang matalum nga mga bagay, armas kag makahulubog nga ilimnon agud malikawan ang kinagamo kag iban pa nga insidente nga mahimo magbutang sa peligro sa publiko.
