Mga kapulisan sa banwa sang Pontevedra, pagahugton ang kampaya sa  curfew sa mga menor de edad

Pagahugton sang mga kapulisan ang pagpatuman sang curfew para sa mga menor de edad sa banwa sang Pontevedra.

Sa interview sang Bombo Radyo kay Police Captain Mark Anthony Garcia, Officer-in-Charge sang Pontevedra Municipal Police Station, iya ginpahayag nga pagadumulian ang mga kabataan nga nagapangidaron sang 18 years old and below nga maglagaw sa kagab-ihon.

Suno kay Garcia, maga-umpisa ang curfew alas-9 sang gab-i tubtob alas-4 sang kaagahon.

Dugang pa ni Garcia, nga ang katuyuan sang amo nga tikang amo ang masiguro ang kaluwasan sang mga kabataan kag malikawan ang posible nga mga insidente sang krimen ukon aksidente sa kagab-ihon.