-- ADVERTISEMENT --
ROXAS CITY – Gin-alerto naman ang mga kapulisan sa probinsiya sang Capiz kasunod sang natabo nga pagpamomba sa Mount Carmel Cathedral sa Jolo, Sulu sadtong Enero 27.
Ini ang ginpahayag ni Capiz Police Provincial Office spokesperson SPO3 Donna Asmod sang mainterview sang Bombo Radyo.
Suno kay Asmod, magapabilin nga nakaalerto ang mga kapulisan kag nakatutok sa ila nga pro-active security measures.
May naka-deploy man suno sa iya nga mga pulis sa matawo nga mga lugar kasubong sang mga pantalan, terminals, malls, public markets kag simbahan.
Nag-apelar naman si Asmod sang bulig sa publiko pinaagi sa pagpalab-ot sang impormasyon sa mga otoridad kun may makaduluda nga mga indibidwal sa ila lugar.
-- ADVERTISEMENT --
