-- ADVERTISEMENT --
Padayon ang kampanya sang kapulisan batok sa Anti-Bullying Awareness sa mga eskwelahan sa probinsya sang Capiz.
Sa interview sang Bombo Radyo kay Police Captain Achilles Fangco Jr., Officer-in-Charge sang Pilar Municipal Police Station, iya ginpahayag nga ginapatigayon ang amo nga kampanya agud maprotektahan ang mga kabataan batok sa bullying.
Suno kay Fangco, ginapa-athag sa mga estudyante ang importansya sang pagrespeto sa isigkatawo kag pagdumuli sa pagpangbully ukon pagtugot sa bisan ano nga porma sang bullying.
Ginpahanumdom man sini, ang mga estudyante nga mangin responsable sa paggamit sang social media, kag magpakita sang kaayo sa isigkatawo.
