Magapatigayon ang mga kapulisan sang syudad sang Roxas sang lecture activity batok sa iligal nga druga sa palaabuton nga Sabado June 27, 2026, nga pagahiwaton sa Capiz National High School.
Sa interview sang Bombo Radyo kay Police Master Sergeant Roldan Diama, Roxas City Philippine National Police Drug Clearing kag Community Based Rehabilitation Program Focal Person, iya ginpahayag nga ang amo nga kahiwatan ang ginalakipan sang Philippine Drug Enforcement Agency “PDEA”, Provincial Anti-Drug Abuse Council “PADAC”, City Anti-Drug Abuse Council “CADAC”, kag iban pa nga partner agencies agud mapasangkad sa kabataan kag publiko ang impormasyon may kaangtanan sa malain nga epekto sang iligal nga droga.
Suno kay Roldan, may yara man sang police patrol kag SWAT visibility operations agud mapataas ang ihibalo sang publiko sa peligro sang paggamit kag pagbaligya sang iligal nga druga.
Ginpahayag man sini nga paagi sa amo nga programa makabulig ini sa pagnubo sang iligal nga mga aktibidad sa syudad.
