ROXAS CITY – Preparado na ang katapo sang mga kapulisan sa probinsya kadungan sang State of the Nation Address ni Presidente Ferdinand “Bongbong” Marcos Jr., sa Hulyo 24, Lunes nga adlaw.
Sa interview sang Bombo Radyo kay PMaj. Ruby Magallanes tagpamaba sang Capiz Police Provincial Office, ginpahayag sini nga magapalapta sang mga kapulisan sa pila ka mga lugar sa probinsya agud magmonitor kag magpabilin sang kalinong kag katawhay sa lugar.
Suno kay Magallanes, ginpaidlaum na sa briefing ang mga kapulisan antes gindisignar sa tagsa ka mga lugar.
Panugyan sini sa pumuluyo nga respetohon ang kinamatarong sang tagsa-tagsa, magpalayo sa mga dalanon kung sa diin may yara sang pagpamahog sa ila seguridad, magmonitor pinaagi sa radio kag magpabilin sa tagsa ka mga puluy-an agud malikaw sa aksidente.
