ROXAS CITY, CAPIZ- May yara na sang person of interest ang mga katapo sang Roxas Component City Police Station, kasunod sang natabo nga pagapanghold-up sa isa ka delivery rider sa Barangay Sibaguan, Roxas City.
Ang deliver rider amo si alyas ‘Hovert’, 38-anyos kag residente sang Sitio Centro, Barangay Bolo, Roxas City.
Sa interview sang Bombo Radyo kay Police Chief Master Sergeant Ramil Arcangeles, Spokesperson sang Roxas Component City Police Station, iya ginpahayag nga sa nagapadayon nga imbestigasyon, may yara nagid man sang mga persona nga nagasanto sa ginapahayag sang biktima.
Suno kay Arcangeles, may posibilidad man nga ang amo nga mga persona ang yara sa likod sang serye sang mga ginapahayag pagpanghold-up sa nagkalain-lain nga mga kabanwahanan sa probinsya sang Capiz.
Nahibaluan nga natabo ang amo nga pagpanghold-up sang Biyernes nga adlaw, Disyembre 19, 2025 samtang nga i-deliver nga kuntani sang rider ang mga parcel, apang hinali nalang ini nga gintutukan sang isa ka lalaki sang armas-luthang.
Bangud sini, natigayon nga nataban sa nasambit nga biktima ang collection sini sa mas ukon menos P22,000.
Sa subong, nagapadayon ang paglalip sang mga katapo sang Roxas Component City Police Station sa amo nga mga persons of interest para sa nagakigo nga disposisyon sang nasambit nga insidente.
Interviewed by Bombo Francis Biñas
