ROXAS CITY – Wala sang may ginbayular sa layi ang katapo sang Philippine National Police (PNP), matapos ang ginpatigayon nga search warrant sa isa ka Philippine Offshore Gaming Operation (POGO) sang damlag lang.
Sa interview sang Bombo Radyo kay Atty. Nelson Borja Criminal Lawyer, ginpahayag sini nga tatlo ka search warrant ang gin-isyu sang husgado agud matigayon ang amu nga operasyon.
Mahibaluan nga masobra 3,000 ka mga Chinese National ang nadakpan.
Suno kay Borja, madamo na nga mga reklamo ang ila nabaton kag pila sa mga ini amu ang Human trafficking kag kidnapping.
Isa man sa mga rason suno diri kun ngaman indi matapos-tapos ang imbestigasyon bangud sa kadamuon sang mga naulamid sa amu nga operasyon.
Apang ginklaro sini nga mabudlayan ang piskalya sa pagpasaka sang kaso batuk sa mga ini bangud sa ila kadamuon kag kinahanglan ini nga mag-agi sa intsakto kag maid-id nga proseso.
